جنگی حالات:وزیراعظم کی صدرمملکت سےاہم ملاقات

وزیراعظم شہبازشریف نےصدرمملکت آصف علی زردای سےاہم ملاقات کی،جس میں دونوں رہنماؤں نے آپریشن ’’بنیان مرصوص‘‘ سمیت دیگر امور پر تبادلہ خیال کیا ۔
ایوان صدر کی جانب سے جاری بیان کے مطابق وزیراعظم شہبازشریف نے صدر مملکت آصف علی زردای سےملاقات کی،جس میں نائب وزیراعظم و وزیر خارجہ محمد اسحاق ڈار اور وزیر قانون و انصاف اعظم نذیر تارڑ بھی شریک تھے۔
ملاقات کےدوران وزیراعظم شہباز شریف نےصدرمملکت کوبھارتی اشتعال انگیزی اورپاک فوج کی جانب سےآپریشن ’’بنیان مرصوص‘‘کی صورت میں بھارت کو دیئے جانے والے موثر جواب بارے آگاہ کیا۔
صدرآصف علی زردای نےبھارت کی جانب سےبزدلانہ وار،جارحیت اورمیزائل حملوں کےخلاف بھرپور جوابی کارروائی پرافواج پاکستان کی غیر معمولی پیشہ ورانہ مہارت اور بہادری کو سراہا۔
صدر زرداری کاکہناتھاکہ پاکستان نے ایک ذمے دار اور امن پسند قوم کی حیثیت سے بھارتی اشتعال انگیزیوں کے مقابلے میں کافی تحمل کا مظاہرہ کیا، افسوس کہ بھارتی جارحیت کی وجہ سے پاکستان کے پاس اپنی خودمختاری کے دفاع ، اپنے شہریوں کے تحفظ کے لیے فیصلہ کن جواب دینے کے سوا کوئی چارہ نہیں بچا۔
اُن کامزیدکہناتھاکہ پاکستان ملکی خودمختاری اور علاقائی سالمیت کا ہر قیمت پر دفاع کرے گا۔ پوری پاکستانی قوم متحد ہے، بھارتی جارحیت کے مقابلے میں اپنی مسلح افواج کی بھرپور حمایت کرتی ہے ۔