جہاز میں کسی کی موت یا ہنگامی صورتحال پر عملہ کیا کوڈز استعمال کرتا ہے؟

فضائی مسافروں کیلئے اہم خبر، جہاز میں کسی کی موت یا ہنگامی صورتحال پر عملہ کیا کوڈز استعمال کرتا ہے؟حیرت انگیز تفصیلات سامنے آ گئیں۔
فلائٹ کے عملے کو دوران ِپرواز کئی طرح کے حالات کا سامنا کرنا پڑتا ہے ،کیونکہ وہ اپنی پروازوں کے دوران مسافروں کی دیکھ بھال کرتے ہیں اور جب کوئی فلائٹ کے دوران فوت ہو جاتا ہے تو انہیں بغیر کسی ہلچل کے صورتحال کو قابو میں رکھنا ہوتا ہے۔اس لیے فلائٹ اٹینڈنٹ خفیہ کوڈ ،ورڈز استعمال کرتے ہیں، تاکہ یہ یقینی بنایا جا سکے کہ جب ہوائی جہاز میں کسی کی موت ہو جائے تو دوسرے مسافر گھبرائیں نہیں۔
پرواز کے دوران کسی کی موت کیلئے جو کوڈ الفاظ باقاعدگی سے استعمال ہوتے ہیں، وہ اینجل(Angel) یاکوڈ300ہے۔یہ الفاظ اس بات کو یقینی بناتے ہیں کہ پرواز پر موجود افراد کی توجہ ہلاک شدہ مسافر پر مرکوز نہ ہو یا ان میں خطرے کا احساس پیدا نہ ہو۔اس کے علاوہ دیگر کوڈز بھی ہیں ،جو دیگر سنگین حالات کیلئے استعمال ہوتے ہیں۔
اگر آپSquawk 7500 یا ہوٹل کا لفظ سنیں تو اس کا مطلب ہے کہ طیارہ ہائی جیک کیا جا رہا ہے یا کوئی سکیورٹی مسئلہ درپیش ہے یا پھر طیارے کی ہنگامی لینڈنگ کی جا رہی ہے۔