جی ایچ کیوحملہ کیس:6جنوری کی سماعت ملتوی

جی ایچ کیوحملہ کیس میں 6جنوری کوہونےوالی سماعت ملتوی کردی گئی۔
راولپنڈی کی انسداددہشتگردی کےجج امجدعلی شاہ کےچھٹی پرہونےکی وجہ سےجی ایچ کیوحملہ کیس کی 6جنوری کوہونےوالی سماعت ملتوی کردی گئی ہے۔
اب کیس کی سماعت 8 جنوری کو اڈیالہ جیل میں ہوگی۔سماعت ملتوی ہونے کے بارے میں عدالتی عملے کی جانب سے وکلاء صفائی کو آگاہ کر دیا گیا۔
یاد رہے کہ گزشتہ سماعت پر عدالت نے جی ایچ کیو حملہ کیس کے ایک اور ملزم پر فرد جرم عائد کی تھی ، سابق رکن قومی اسمبلی بلال احمد پر ان کے پلیڈر کے ذریعے فرد جرم عائد کی گئی۔
واضح رہے کہ جی ایچ کیو گیٹ حملہ کیس میں اب تک شاہ محمود قریشی سمیت 114 ملزمان پر فرد جرم عائد ہو چکی ہے۔