جی ایچ کیو حملہ کیس:عدالت نےمزید9ملزمان پرفردجرم عائدکردی

9مئی جی ایچ کیوحملہ  کیس میں عدالت نےمزید9ملزمان پرفرد جرم عائدگردی۔
راولپنڈی کی انسداددہشتگردعدالت کےجج امجد علی شاہ نے9مئی جی ایچ کیوحملہ کیس کی سماعت اڈیالہ جیل میں کی،بانی تحریک انصاف عمران خان کوکمرہ عدالت میں پیش کیاگیاجبکہ شاہ محمودقریشی کوبھی عدالت میں پیش کیاگیا۔
انسداددہشتگردی عدالت نےجی ایچ کیو حملہ کیس میں جن پرفردجرم عائدہوئی اُن ملزمان میں شیریں مزاری ،راشدحفیظ، منیر،خادم حسین کھوکھر،ذاکراللہ شامل جبکہ عظیم اللہ خان، طاہرصادق، مہرمحمدجاوید اورچودھری آصف بھی شامل ہیں۔
ملزمان نےعدالت میں صحت جرم سےانکارکردیا۔عدالت نےآج جی ایچ کیوحملہ کیس میں ملزمان کوطلب کیاتھا۔
جی ایچ کیوحملہ کیس میں مجموعی طورپر98ملزمان پرفردجرم عائدہوچکی ہےجبکہ جی ایچ کیوحملہ کیس میں ملزمان کی تعداد119ہے۔
پراسیکیوشن کی جانب سےغیرحاضرملزمان کی ضمانت منسوخ کرنےکی استدعاکی گئی۔
پراسیکیوٹرنےموقف اختیارکیاکہ غیرحاضرملزمان جان بوجھ کرٹرائل میں تاخیر کر رہےہیں۔
بعدازاں عدالت نے جی ایچ کیو حملہ کیس کی سماعت 19 دسمبر تک ملتوی کر دی۔