حکومت نےآئندہ پندرہ روزکیلئےپیٹرولیم مصنوعات کی قیمتوں کااعلان کردیا

مہنگائی سےپریشان صارفین کےلئےاہم خبر،وفاقی حکومت نے آئندہ  پندرہ  روز  کیلئے  پیٹرولیم مصنوعات کی قیمتوں کااعلان کردیا،نوٹیفکیشن جاری کردیاگیا۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔

وزارت خزانہ کےنوٹیفکیشن کےمطابق پیٹرول کی قیمت برقرار رکھنے جبکہ ڈیزل کی قیمت میں 2 روپے 78 پیسے فی لیٹر اضافہ کیا گیااورمٹی کے تیل کی قیمت  3 روپے 15پیسے فی لیٹر بڑھائی گئی ہے۔
وزارت خزانہ کے نوٹیفکیشن کےمطابق پیٹرول کی قیمت 264روپے 61 پیسے فی لیٹر برقرار ہے۔جبکہ 2 روپے78 پیسے فی لیٹر اضافے کے بعد ڈیزل کی نئی قیمت 272روپے 77 پیسے فی لیٹر مقرر ہوگئی ہے۔اسی طرح مٹی کےتیل کی قیمت میں 3 روپے 15پیسے فی لیٹراضافےسے مٹی کے تیل کی نئی قیمت 179 روپے 96 پیسے فی لیٹر ہوگئی۔ اس سے قبل مٹی کے تیل کی قیمت 176 روپے81پیسے فی لیٹر تھی۔

یاد رہے کہ حکومت نے جولائی کے آخری سولہ روزکےلئےقیمتوں میں اضافہ کیا تھا۔وفاقی حکومت کی جانب سےماہ اگست کےپہلے پندرہ روزکیلئےپیٹرولیم مصنوعات کی قیمتوں میں ردوبدل کیاگیاتھاجس میں پیٹرول کی قیمت میں 7 روپے 54پیسےکمی کی گئی تھی جس کےبعدپیٹرول کی نئی قیمت264روپے 61پیسے فی لیٹرمقرر کی گئی تھی۔جبکہ ہائی سپیڈڈیزل کی قیمت میں1روپے48پیسےفی لیٹر اضافہ کیا گیاتھا۔جس سےڈیزل کی نئی قیمت 285روپے83پیسےفی لیٹرمقرر کردی گئی تھی۔پھرحکومت نےماہ ستمبرکےپہلےپندرہ روزکیلئے پیٹرول کی قیمت برقراررکھی تھی،اورہائی سپیڈڈیزل کی قیمت 3روپےفی لیٹرتک کمی کردی گئی تھی ،جس کےبعدہائی سپیڈ ڈیزل کی فی لیٹرقیمت269 روپے99پیسےفی لیٹرہوگئی تھی۔جبکہ لائٹ ڈیزل آئل کی قیمت 2 روپے 40 پیسے کی کمی کے بعد 159 روپے 76 پیسے مقرر کی گئی تھی۔اسی طرح مٹی کے تیل کی قیمت ایک روپے 46 پیسے کمی کے بعد 176 روپے 81 پیسے مقرر کی گئی تھی۔