حکومت کاعیدمیلادالنبیؐ کےموقع پرعام تعطیل کااعلان

وفاقی حکومت نےحضرت محمدؐ کےیوم ولادت 12 ربیع الاول کے موقع پر 17 ستمبر بروز منگل کو ملک بھر میں عام تعطیل کا اعلان کر دیا۔نوٹیفکیشن جاری کردیاگیا۔
کابینہ ڈویژن کےجاری کر دہ نوٹیفکیشن کےمطابق (12 ربیع الاول 1446 ہجری) کی مناسبت سے17ستمبر2024بروزمنگل کوملک بھرمیں عام تعطیل ہوگی۔
واضح رہے کہ 2 روز قبل ربیع الاول کا چاند دیکھنے کے لیے چیئرمین مرکزی رویت ہلال کمیٹی کااجلاس مولانا عبدالخبیر آزاد کی زیر صدارت اسلام آبادمیں ہواتھا۔
علاوہ ازیں زونل رویت ہلال کمیٹیوں کے اجلاس مقررہ مقامات پر جاری رہے، اجلاس میں ماہ ربیع الاوّل کے چاند کی رویت سے متعلق فیصلہ کیا گیا۔
بعد ازاں چیئرمین مرکزی رویت ہلال کمیٹی مولانا عبدالخبیر آزاد نے پریس کانفرنس کے دوران اعلان کیا تھا کہ 12 ربیع الاول 17 ستمبر بروز منگل کو ہو گی۔