حکومت کا مزید 8 اضلاع میں سکول میل پروگرام شروع کرنے کا فیصلہ

پنجاب حکومت نے مزید 8 اضلاع میں سکول میل پروگرام شروع کرنے کا فیصلہ کرلیا۔
محکمہ سکولز ایجوکیشن کے مطابق میل پروگرام میں بچوں کو دودھ کے ساتھ بسکٹ بھی دئیے جائیں گے، وزیراعلی ٰپنجاب نے سکولز میل پروگرام کی سٹیرنگ کمیٹی کا پہلا اجلاس آج طلب کر لیا ہے۔میل پیکس کے ڈیزائن برینڈنگ، بسکٹ ریپرز کی کلیکشن کے امورز زیر غور آئیں گے، پروگرام لانچنگ اور مانیٹرنگ کیلئے تھرڈ پارٹی کی خدمات لینے کے امور پر غور کیا جائے گا۔
محکمہ سکولز ایجوکیشن کے مطابق میل پروگرام ڈیرہ غازی خان، لیہ، راجن پور، میانوالی، مظفرگڑھ، بھکر، بہاولنگر اور رحیم یار خان میں شروع ہوگا۔محکمہ سکول ایجوکیشن نے رواں سال منصوبے کیلئے 10 ارب روپے مختص کیے ہیں،جبکہ سکول میل پروگرام سے 55 ہزار سے زائد نئے طلبا کی انرولمنٹ ہوئی ہے۔