خشک سالی یا ریکارڈ سردی کا امکان نہیں، این ڈی ایم اے کی تردید

خشک سالی یا ریکارڈ سردی کا امکان نہیں، ،نیشنل ڈیزاسٹر مینجمنٹ اتھارٹی (این ڈی ایم اے)نے تردید کردی۔
این ڈی ایم اےکے مطابق پاکستان میں رواں سال بارشیں تو معمول سے کم ہوں گی، مگر خشک سالی کا کوئی امکان نہیں۔ بالائی علاقوں میں برف باری بھی کم ہوگی، مگر مون سون کی 23 فیصد اضافی بارشوں کے باعث سردیوں میں بھی پانی کی کمی نہیں ہوگی، خشک سالی سے صرف بلوچستان کے چند علاقے متاثر ہو سکتے ہیں۔
این ڈی ایم اے کے مطابق خاران ،چاغی وشو نوشکی میں مائلڈ قسم کا میٹرولوجیکل خشک سالی متوقع ہے، آنیوالے دنوں میں پاکستان میں اس طرح خشک سالی متوقع نہیں، لانینا کے باعث اس سال ریکارڈ سردی تو نہیں پڑے گی، البتہ دسمبر اور جنوری کے مہینے معمول سے بڑھ کر ٹھنڈے رہنے کا امکان ہے۔
این ڈی ایم اےکاکہناہےکہ معمول سے تھوڑی زیادہ سردی اور خشکی محسوس کی جا سکتی ہے، دسمبر اور جنوری میں سردی کی شدت میں اضافے کا امکان ہے،تاہم بارشوں کی کمی ائیرکوالٹی کو ضرورمتاثر کرے گی۔