خیبرپختونخوا: تمام سرکاری سکولوں میں فرنیچر فراہم کرنے کا فیصلہ

طلبا و طالبات کیلئے بڑی خوشخبری،خیبرپختونخوا حکومت نےصوبے کےسرکاری سکولوں میں فرنیچر فراہم کرنے کا فیصلہ کر لیا۔
خیبرپختونخوا میں تعلیمی ایمرجنسی کے تحت تمام سرکاری سکولوں کو فرنیچر فراہم کرنے کا فیصلہ کیا گیا ہے۔یہ فیصلہ وزیر اعلیٰ خیبر پختونخوا کی زیر صدارت نئے سالانہ ترقیاتی پروگرام سے متعلق اجلاس میں کیا گیا۔
اس موقع پر وزیر اعلیٰ خیبر پختونخوا کا کہنا تھا کہ سرکاری سکولوں میں کوئی بھی بچہ فرش پر نہیں بیٹھے گا۔اگلے مالی سال میں تمام سرکاری سکولوں میں فرنیچر کی فراہمی یقینی بنائی جائے گی،سرکاری سکولوں میں بچوں کو فرنیچر، واش رومز اور پینے کا پانی فراہم کرنا ترجیح ہے۔
وزیر اعلیٰ خیبرپختونخوا نے واضح کیا کہ سرکاری سکولوں میں بنیادی سہولیات کی فراہمی پر کوئی سمجھوتہ نہیں ہوگا۔