خیبرپختونخوا : سرکاری جامعات سے متعلق 10سالہ پلان تیار کرنے کا فیصلہ

یونیورسٹیز کے طلبا و طالبات کیلئے اہم خبر،خیبرپختونخوا حکومت نے سرکاری جامعات سے متعلق10 سالہ پلان تیار کرنے کا فیصلہ کر لیا۔
10سالہ پلان 2025 سے 2035 تک کیلئے تیار کیا جائے گا۔وزیر اعلیٰ خیبرپختونخوا نے محکمہ اعلیٰ تعلیم کو 10سالہ پلان سے متعلق مراسلہ ارسال کردیا ۔
مراسلے میں کہا گیا ہے کہ21دنوں میں مجوزہ 10سالہ سٹریٹجی کا جامع مسودہ تیار کیا جائے ،پلان پر عملدرآمد یقینی بنانے کیلئےقانونی، انتظامی اور مالی اصلاحات بھی تجویز کی جائیں۔
پلان کی تیاری میں جامعات میں فیکلٹی ڈیویلپمنٹ اورفنانشل مینجمنٹ پر توجہ دی جائے،اس کے علاوہ جامعات میں اصلاحات کیلئے قائم کمیٹیوں کی سفارشات کا جائزہ لیا جائے۔
مراسلے میں مزید کہا گیا ہے کہ جامعات میں ڈیجیٹل ٹرانسفارمیشن کیلئے سفارشات بھی شامل کی جائیں۔