خیبرپختونخوا: طلبا و طالبات کیلئےسکل ڈویلپمنٹ کیلئے پروگرام کا آغاز

طلبا و طالبات کیلئے خوشخبری،خیبر پختونخوا حکومت نے صوبے کے نوجوانوں کو روزگار کے مواقع فراہم کرنے اور طلبا کیلئےسکل ڈویلپمنٹ پروگرام کا آغاز کر دیا۔
محکمہ تعلیم خیبرپختونخوا کے مطابق پروگرام کے تحت نوجوانوں پر 11 ارب 50 کروڑ روپے خرچ کئے جائیں گے۔ صوبے کے 60 ہزار نوجوانوں کو مفت تربیت فراہم کی جائے گی۔خیبر پختونخوا کے 25 ہزارافراد کو مفت انٹرن شپس دی جائیں گی۔
صوبائی محکمہ تعلیم کے مطابق 42 ہزار نوجوانوں کو 80 ہزار روپے تک کی گرانٹس دی جائیں گی۔یہ گرانٹس دیہی علاقوں اور ضم اضلاع کے نوجوانوں کو دی جائیں گی، سرکاری ٹیکنیکل اداروں سے 37 ہزار نوجوان فارغ التحصیل ہیں ،جبکہ نجی ٹیکنیکل اداروں سے 36 ہزار نوجوان فارغ التحصیل ہیں۔پروگرام کے پہلے مرحلے میں 19 ہزار مرد و خواتین کو شامل کیا جائے گا۔
محکمہ تعلیم خیبر پختونخوا کے مطابق اب تک 806 افراد کو تربیت فراہم کی گئی ہے، جبکہ گرانٹس کیلئے 312 درخواستیں موصول ہو چکی ہیں۔