دنیا میں سب سے زیادہ ڈاؤن لوڈ ہونیوالی ایپس کون سی ہیں؟

دنیا میں سب سے زیادہ ڈاؤن لوڈ ہونیوالی ایپس کون سی ہیں؟گزشتہ ماہ چیٹ جی پی ٹی نے ڈاؤن لوڈنگ میں انسٹاگرام اور ٹک ٹاک کو بھی پیچھے چھوڑ دیا۔
دنیا بھر میں مقبول سوشل میڈیا پلیٹ فارمز انسٹاگرام اور ٹک ٹاک کو پیچھے چھوڑتے ہوئے اوپن اے آئی کی چیٹ جی پی ٹی مارچ کے مہینے میں دنیا کی سب سے زیادہ ڈاؤن لوڈ کی گئی ایپ بن گئی۔چیٹ جی پی ٹی کی مقبولیت میں یہ غیر معمولی اضافہ اس کے نئے تصویری تخلیق کے فیچر کے بعد دیکھنے میں آیا ۔ اس فیچر کی بدولت صارفین گیبلی انداز میں تصاویر بنا رہے ہیں، جس کا رجحان سوشل میڈیا پر وائرل ہے۔
رپورٹ کے مطابق مارچ میں چیٹ جی پی ٹی کے 46 ملین یعنی چار کروڑ ساٹھ لاکھ ڈاؤن لوڈز ہوئے ،جو معمولی فرق سے انسٹاگرام سے بھی زیادہ تھے۔چیٹ جی پی ٹی کو مجموعی طور پر 46 ملین ڈاؤن لوڈز ملے، جن میں 13 ملین آئی او ایس پر اور 33 ملین اینڈرائیڈ پر ہوئے۔چیٹ جی پی ٹی کی یہ شاندار پیشرفت ناقابلِ تردید ہے، فروری سے مارچ کے درمیان ایپ کے ڈاؤن لوڈز میں 28 فیصد اضافہ ہوا، جبکہ سالانہ بنیاد پر 2024 کی پہلی سہ ماہی کے مقابلے میں 2025 کی اسی مدت میں 148 فیصد کا زبردست اضافہ دیکھنے میں آیا۔
یہ اعداد و شمار اس بات کا منہ بولتا ثبوت ہیں کہ چیٹ جی پی ٹی کی مقبولیت میں کس قدر اضافہ ہوا ہے۔