دوسراٹی ٹوئنٹی:پاکستان کوپھرشکست،جنوبی افریقہ نے2-0سےسیریزاپنےنام کرلی

دوسرےٹی ٹوئنٹی میں بھی جنوبی افریقہ نےشاہینوں کوشکست دےکر سیریز 2-0سےاپنےنام کرلی۔
سنچورین میں کھیلے گئے میچ میں پاکستان ٹیم نےٹاس جیت کرپہلےبیٹنگ کرنے کا فیصلہ کیا،شاہینوں نےپہلےبیٹنگ کرتےہوئےمقررہ اوورزمیں5وکٹوں کے نقصان پر206 رنز بنائے۔
پاکستان کی طرف سےاوپنرصائم ایوب نےعمدہ کھیل کامظاہرہ کیااُنہوں نےجنوبی افریقہ کےبولروں کی خوب دھلائی کی۔57گیندوں پر98رنز بناکر ناقابل شکست رہے۔ ان کی اننگز میں 5 چھکے اور 11 چوکے شامل تھے۔
بابراعظم 31رنزبناسکےجبکہ عرفان نےبھی 16گیندوں پر30رنزبنائے،اس کے علاوہ کپتان محمد رضوان نے11رنز کی اننگزکھیلی،عثمان خان 3 اور طیب طاہر 6 رنز بناکر آؤٹ ہوئے۔جبکہ عباس آفریدی 4 گیندوں پر 11 رنز کے ساتھ ناٹ آؤٹ رہے۔
جنوبی افریقا کی جانب سے گیلیم اور بارٹ مین نے 2، 2 وکٹیں حاصل کیں۔
ہدف کےتعاقب میں جنوبی افریقہ کےکھلاڑیوں نےبھی پاکستانی بولروں کی خوب دھلائی کی پاکستان کا 207 رنز کا ہدف جنوبی افریقا نے 19.3 اوور میں 3 وکٹوں کے نقصان پر پورا کیا اور سیریز میں 0-2 کی فیصلہ کن برتری حاصل کی۔
جنوبی افریقا کی جانب سے اوپن کرتے ہوئے ریزا ہینڈرکس نے 63 گیندوں پر 7 چوکوں اور 10 چھکوں کی مدد سے 117 رنز کی ناقابل شکست اننگز کھیل کر اپنی ٹیم کو فتح سے ہمکنار کروانے میں اہم کردار ادا کیا۔
روسی ون ڈر ڈوسن نے 38 گیندوں پر 66 رنز کی ناقابل شکست اننگزکھیلی۔

جنوبی افریقا کے ریان ریکلٹن 2، میتھیو بریٹزک 12 رنز بنا کر پویلین لوٹے، کپتان ہنرک کلاسین 8 رنز بنا کر ناٹ آؤٹ رہے۔
پاکستان کی جانب سے جہانداد خان نے اپنے 4 اوورز میں 40 رنز دیکر 2 وکٹیں حاصل کیں، جبکہ عباس آفریدی نے 3.3 اوورز میں 46 رنز کے عوض ایک وکٹ حاصل کی۔

شاہین آفریدی پاکستان کےلئےخاصےمہنگےبولرثابت ہوئےجنہوں نے 4 اوورز میں 5 چوکے اور ایک چھکے کے ساتھ 37 رنز دئیےاورکوئی وکٹ بھی حاصل نہ کی ۔جبکہ مایانازبولرحارث رؤف نےبھی4 اوورز میں 7 چھکے اور ایک چوکے کے ساتھ 57 رنز دیکر ایک بھی وکٹ حاصل کرنے میں ناکام رہے۔
واضح رہے کہ دوسرے ٹی ٹوئنٹی کیلئے قومی ٹیم میں ایک تبدیلی کی گئی تھی۔اسپنر سفیان مقیم کی جگہ فاسٹ بولر جہانداد خان کو ٹیم میں شامل کیا گیا تھا۔
پاکستان ٹیم میں کپتان محمد رضوان، بابر اعظم، صائم ایوب، عثمان خان، طیب طاہر، محمد عرفان خان نیازی شامل تھے۔جبکہ عباس آفریدی ، شاہین شاہ آفریدی، حارث رؤف،جہانداد خان اور ابرار احمد بھی دوسرے ٹی ٹوئنٹی کیلئے قومی ٹیم کا حصہ تھے۔
واضح رہےکہ جنوبی افریقہ نے3ٹی ٹوئنٹی میچزکی سیریزمیں 2-0سےواضح برتری حاصل کرلی ہے۔