رمضان کے دوران پڑھائی کیلئے کون سا وقت بہتر ہے؟

طلبا و طالبات کیلئے اہم خبر،رمضان کے دوران پڑھائی کیلئے کون سا وقت بہتر ہے؟ماہرین ِ تعلیم نے بتا دیا۔
رمضان المبارک کے بابرکت مہینے میں کس وقت پڑھائی کی جائے؟ تاکہ زیادہ یکسوئی اور بہتر یادداشت کے ساتھ امتحانات کی تیاری ممکن ہو جائے، نیز آیا طلبا سحری کے بعد تیاری کریں یا افطاری کے بعد؟ پڑھائی کیلئے سب سے بہترین کونسا وقت ہے؟
اس سلسلے میں ماہرین کا کہنا ہے کہ صبح کے وقت انسانی دماغ سب سے زیادہ چست ہوتا ہے۔ رمضان میں اگر بچے سحری کے بعد نہ سوئیں، بلکہ اس وقت کا بہترین استعمال کریں، تو وہ زیادہ مؤثر طریقے سے پڑھ سکتے ہیں۔
اکثر طلبا سحری تک جاگتے ہیں اور سحری کے بعد سوجاتے ہیں یہ طریقہ بالکل مناسب نہیں، بلکہ طلبا کو رات کو جلدی سونا چاہیے اور سحری کرنے کے بعد پڑھائی کرنی چاہیے، جو یادداشت کیلئے زیادہ بہترین وقت ہے۔