ریلوے کامزید سات مسافر ٹرینوں کی نجکاری سے متعلق اہم فیصلہ

ریل کے مسافروں کیلئے اہم خبر،پاکستان ریلویز نے نجکاری سے متعلق اہم قدم اٹھاتے ہوئے مزید سات مسافر ٹرینوں کو نجی شعبے کو دینے کا فیصلہ کر لیا۔
میڈیا ذرائع سے ملنے والی اطلاعات کے مطابق ان ٹرینوں کی نیلامی کیلئے بڈز وصولی 25 فروری تک ہو گی۔
ذرائع کے مطابق جن ٹرینوں کو نجی شعبے کو دینے کا فیصلہ کیا گیا ہے، ان میں ہزارہ ایکسپریس، کراچی ایکسپریس، فرید ایکسپریس، بہاؤ الدین زکریا ایکسپریس، سکھر ایکسپریس، راولپنڈی ایکسپریس اور موہنجو دڑو ایکسپریس شامل ہیں۔
اس حوالے سے ریلویز حکام کا موقف بھی سامنے آیا ہے اور ان کا کہنا ہے کہ ٹرینوں کو پرائیوٹائز نہیں ،بلکہ آؤٹ سورس کیا جائے گا۔ آؤٹ سورسنگ سے مسافروں کو سہولتوں کی فراہمی اور ریونیو میں بہتری آئے گی۔

ملک بھر میں ہر روز بین الاضلاعی و بین الصوبائی سفر کرنے کیلئے ہزاروں مسافر ٹرین کے سفر کو ترجیح دیتے ہیں، کیونکہ ریل کا سفر سستا، آرام دہ ہونے کیساتھ کئی مسافروں کیلئے رومانوی بھی ہوتا ہے۔