ریلوے کن مسافروں کو 50 فیصد رعایت دے رہا ہے؟

ریل کے مسافروں کیلئے خوشخبری،ریلوے کن مسافروں کو 50 فیصد رعایت دے رہا ہے؟تفصیلات منظر عام پر آ گئیں۔
پاکستان ریلویز نے ٹرین کے مسافروں کو ٹکٹوں میں 50 فیصد رعایت دینے کا فیصلہ کر لیا، تاہم یہ رعایت صرف معذور مسافروں کیلئے ہوگی۔
ترجمان ریلوے کے مطابق پاکستان ریلویز نے معذور مسافروں کیلئے بڑا قدم اٹھاتے ہوئے انہیں ٹرینوں کے ٹکٹ پر 50 فیصد رعایت دینے کا فیصلہ کیا ہے، تاہم اس رعایت کا اطلاق گرین لائن ٹرین پر نہیں ہوگا۔
محکمہ ریلوے کے مطابق ملک بھر کے معذور مسافر سوائے گرین لائن ٹرین کے تمام ایکسپریس اور مسافر ٹرینوں میں 50 فیصد رعایت کے ساتھ سفر کر سکیں گے۔اس رعایت سے صرف وہی لوگ مستفید ہو سکیں گے ،جو کمپیوٹرائزڈ قومی شناختی کارڈ کے حامل ہوں گے اور ان کے شناختی کارڈز پر معذوری کے حوالے سے معلومات درج ہوں گی۔ ایسے معذور مسافر جو بصارت سے محروم ہوں گے، ان کے ساتھ سفر کرنیوالےٹینڈنٹ بھی رعایتی کرایے کے اہل ہوں گے۔
ریلوے نے اس رعایت کے اعلان کے ساتھ ہی بڑے سٹیشنوں پر خصوصی بکنگ کاؤنٹرز، قابل رسائی واش رومز اور وہیل چیئرز بھی متعارف کرائی ہیں، جبکہ جلد ان سہولتوں کا دائرہ ملک کے مزید 12 ریلوے سٹیشنوں تک وسیع کر دیا جائے گا۔