ریکوڈک منصوبےمیں پیشرفت حوصلہ افزاہے،وزیراعظم شہبازشریف

وزیراعظم شہبازشریف نےکہاہےکہ ریکوڈک منصوبےمیں پیشرفت حوصلہ افزاہے۔
اسلام آباد کےجناح کنونشن سینٹرمیں پاکستان منرلز انویسٹمنٹ فورم 2025 کا انعقادکیاگیاجس میں وزیراعظم شہبازشریف اورآرمی چیف جنرل سیدعاصم منیرسمیت وزرااعلیٰ ،وفاقی وزرا اورغیرملکی مندوبین نےشرکت کی۔
فورم سےخطاب کرتےہوئےوزیراعظم شہبازشریف کاکہناتھاکہ تمام مندوبین کوپاکستان آمدپرخوش آمدیدکہتاہوں،فورم کےکامیاب انعقادپرمنتظمین کو مبارکبادپیش کرتاہوں،خلیجی ممالک،امریکااوریورپ سمیت دیگرخطوں سےسرمایہ کاری کوخوش آمدیدکہتےہیں۔
اُن کامزیدکہناتھاکہ فورم معدنیات کےشعبےمیں سرمایہ کاری میں اضافےکاباعث بنےگا،فورم کے انعقاد سےسرمایہ کاروں کےاعتمادمیں اضافہ ہوگا،فورم معدنیات کےشعبےمیں سرمایہ کاری میں اضافےکاباعث بنےگا،اللہ نےپاکستان کوبےپناہ قدرتی وسائل سےنوازاہے۔
وزیراعظم کاکہناتھاکہ ریکوڈک منصوبےمیں پیشرفت حوصلہ افزا ہے، کے پی، بلوچستان اورجی بی کے پہاڑوں پرمعدنیات کے ذخائر ہیں، سندھ اورپنجاب بھی قدرتی وسائل سےمالامال ہے،آزادکشمیرکی زمین میں بھی بےپناہ خزانےدفن ہیں۔پاکستان میں کھربوں ڈالرکےمعدنی ذخائرموجودہیں۔
شہبازشریف کامزیدکہناتھاکہ معدنی ذخائر سے مستفیدہوکرپاکستان قرضوں کےچنگل سےآزادہوسکتاہے۔بلوچستان میں بھی کان کنی سےروزگارکےموقع پیدااورمعاشی ترقی ہوگی،معدنیات کےشعبےمیں سرمایہ کاری سب کیلئے سودمند ہے،پاکستان میں دنیاکےسب سےبڑےکوئلےکےذخائرموجودہیں،سندھ حکومت کوئلےکےذخائرسےاستفادہ حاصل کرنےکےلئےبھرپورکام کررہی ہے۔
اُن کاکہناتھاکہ پاکستان میں مقامی کوئلےپرانحصارکرکےقیمتی زرمبادلہ کی بچت کررہےہیں،ہم نےاپنی مصنوعات میں ویلیوایڈیشن کرکےبرآمدات کوفروغ دیناہے،خام مال کےبجائےتیارمصنوعات کی برآمدات کویقینی بنایا جائے گا،سرمایہ کاروں کوکہوں گاکہ وہ تیارمصنوعات پرکام کریں ،کان کنی کی صنعت کے لئےفنی تربیت لازم ہے۔