زمین سے مستقبل قریب میں ٹکرانے والے سیارچے کی کڑی نگرانی

زمین سے مستقبل قریب میں ٹکرانے والے سیارچے کی کڑی نگرانی،یورپی خلائی ایجنسی کے مطابق یہ سیارچہ 2032 میں زمین سے ٹکرا سکتا ہے۔
تفصیلات کے مطابق سیارچے YR4 27 دسمبر 2024 کو جنوبی امریکی ملک چلی میں ایک دوربین کے ذریعے دیکھا گیا تھا،تاہم اب اس سارچے نے امریکا کے ساتھ یورپ کے ماہرین فلکیات کی توجہ حاصل کر لی ہے۔
یورپی ایجنسی کے مطابق رواں سال جنوری کے اوائل سے ماہرین فلکیات دنیا بھر میں دوربینوں کا استعمال کرتے ہوئے اور نئے ڈیٹا کا استعمال کرتے ہوئے اس سیارچے کے سائز اور رفتار کے بارے میں جاننے کیلئے اس کا مسلسل مشاہدہ کر رہے ہیں۔موجودہ تخمینوں کی بنیاد پر 1.3 فیصد امکان ہے کہ 328 فٹ چوڑا سیارچہ 22 دسمبر 2032 کو زمین سے ٹکرائے گا۔
ماہرین فلکیات کے مطابق اس سائز کا سیارچہ اوسطاً ہر چند ہزار سال بعد زمین پر اثر انداز ہوتا ہے اور کسی مقامی علاقے کو شدید نقصان پہنچا سکتا ہے۔