سال 2025میں کتنی سرکاری چھٹیاں ہونگی؟نوٹیفکیشن جاری

وفاقی حکومت نےسال2025کی 40سرکاری چھٹیوں کانوٹیفکیشن جاری کردیا۔

نوٹیفکیشن کےمطابق آئندہ سال 2025میں عام تعطیلات اوراختیاری چھٹیاں 40ہوں گی، 17عام تعطیلات جبکہ23 اختیاری چھٹیاں ہوں گی۔
نوٹیفکیشن کے مطابق 5 فروری 2025کو یوم کشمیر کی عام تعطیل ہوگی،جبکہ 23 مارچ کو یوم پاکستان ،یکم مئی کو یوم مزدور اور28مئی 2025کویوم تکبیرکی عام تعطیل ہوگی۔
اس کے علاوہ 30، 31 مارچ اور یکم اپریل2025 کو عیدالفطر کی 3 چھٹیاں ہوں گی۔7 سے 9 جون تک عیدالاضحیٰ کی 3 چھٹیاں ہوں گی۔ 5 اور 6 جولائی 2025کو نویں اور دسویں محرم کی چھٹیاں ہوں گی۔
14 اگست کو یوم آزادی کی عام تعطیل ہوگی۔ 5 یا 6 ستمبر کو عید میلادالنبیﷺ کی عام تعطیل ہوگی۔ 9نومبرکو یوم اقبال کی چھٹی ہوگی۔ 25 دسمبر 2025 کویوم قائداعظم کی عام تعطیل ہوگی۔
26 دسمبر 2025 کو مسیحی ملازمین کے لیے کرسمس کے بعد کی عام تعطیل ہوگی۔
نوٹیفکیشن کے مطابق سال2025 کے لیے اسلامی چھٹیاں متوقع تاریخ کے حساب سے طےکی گئی ہیں۔ چاند کی رویت کے حساب سے چھٹیوں کا الگ نوٹیفکیشن بھی جاری کیا جائےگا۔
سال 2025 میں یکم جنوری، یکم مارچ، یکم جولائی کو بینکوں کی چھٹی ہوگی۔ مسلم حکومتی ملازمین کو ایک سال میں ایک سے زیادہ آپشنل چھٹی نہیں ملےگی۔ غیرمسلم حکومتی ملازمین کو سال میں 3 سے زائد آپشنل چھٹیاں نہیں ملیں گی۔