سامعہ حجاب اغواء کیس ختم، ٹک ٹاکر نے ملزم کو معاف کر دیایا

ٹک ٹاکرسامعہ حجاب اغواء کیس ختم ،ملزم نےمعافی مانگ لی۔فریقین کےدرمیان صلح ہوگئی۔
سامعہ حجاب اور ان کے سابق منگیتر حسن زاہد کے درمیان غیر مشروط صلح طے پا گئی ہے، جس کے تحت دونوں فریقین نے ایک دوسرے کو فی سبیل اللّٰہ معاف کر دیا ہے۔
ذرائع کے مطابق سامعہ حجاب نے حسن زاہد کے خلاف تمام الزامات واپس لے لیے ہیں، جبکہ حسن زاہد نے اپنی غلطیوں کا اعتراف کرتے ہوئے سامعہ سے معافی طلب کی اور ان کے تمام خدشات دور کر دیے ہیں۔
یاد رہے کہ سامعہ حجاب نے الزام عائد کیا تھا کہ حسن زاہد نے انہیں ان کے گھر کے باہر سے اغواء کرنے کی کوشش کی اور جان سے مارنے کی دھمکیاں دیں۔ اس سلسلے میں تھانہ شالیمار میں مقدمہ درج ہوا تھا اور عدالت نے حسن زاہد کو جوڈیشل ریمانڈ پر جیل بھیج دیا تھا۔
بعد ازاں دونوں کی مشترکہ ویڈیوز اور تصاویر سوشل میڈیا پر وائرل ہوئیں، جن پر عوامی ردعمل سامنے آیا اور سامعہ کو تنقید کا سامنا بھی کرنا پڑا۔ اس موقع پر سامعہ نے انکشاف کیا تھا کہ حسن زاہد ان کا سابق منگیتر تھا۔اب دونوں کے درمیان صلح کے بعد متعلقہ کیس کو باقاعدہ طور پر ختم کر دیا گیا ہے۔