سانحہ جعفرایکسپریس:17روزبعدٹرین سروس بحال

سانحہ جعفرایکسپریس کے17روزبعداندرون ملک ٹرین سروس بحال ہوگئی۔
رکن قومی اسمبلی جمال شاہ نے ٹرین کا افتتاح کیا، ڈی ایس ریلوے سمیت ریلوے افسران بھی ان کے ہمراہ موجود تھے۔
پشاورجانےوالی جعفرایکسپریس کوئٹہ سٹیشن سےروانہ ہوگئی،مسافروں نےاپنی سیٹوں کی بکنگ گزشتہ روزکروائی تھی،9بوگیوں پرمشتمل400سےزائدمسافروں کولیکرٹرین روانہ ہوئی۔
ریلوےحکام کےمطابق سیکیورٹی کلیرنس ملنےکےبعدٹرین سروس بحال کی گئی ہے،دہشت گردی کےواقعہ کےبعداندرون ملک ٹرین سروس معطل کردی گئی تھی۔
یادرہےکہ گزشتہ روزپشاورسےکوئٹہ کےلئےٹرین روانہ کی گئی تھی ۔جس کوامیرمقام نےروانہ کیاتھا۔
واضح رہے کہ جعفر ایکسپریس کو 11 مارچ کو دہشت گردوں کے حملے کا سامنا کرنا پڑا تھا، جس کے بعد ٹرین سروس معطل کر دی گئی تھی لیکن اب 17 دن بعد یہ دوبارہ کوئٹہ ریلوے سٹیشن سے اپنے سفر پر روانہ ہو چکی ہے۔