سرکاری سکولوں کے طلبا کو مفت بیگز اورکتابیں فراہم کرنے کا فیصلہ

سکولوں کے طلبا و طالبات کیلئے بڑی خوشخبری،اب ہر بچہ زیور تعلیم سے آراستہ ہو گا۔سرکاری سکولوں کے طلبا کو مفت سکول بیگز اورکتابیں دی جائیں گی۔
خیبرپختونخوا حکومت نے سرکاری سکولوں میں بچوں کو مفت بیگز فراہم کرنے کا فیصلہ کرلیا۔
خیبرپختونخوا حکومت کے مشیر اطلاعات بیرسٹر سیف کا کہناتھا کہ صوبائی حکومت نے تعلیم کے میدان میں دیگر صوبوں پر سبقت حاصل کر لی ۔ حکومت نے بچوں کو مفت سکول بیگز فراہم کرنے کا اصولی فیصلہ کر لیا ہے۔سرکاری سکولوں کے طلبا کو مفت کتابیں فراہم کرنے کیلئے فنڈز کی منظوری بھی دیدی گئی ہے۔
اُن کامزیدکہناتھاکہ پیرنٹس ٹیچر کونسل کا سالانہ فنڈ 5 ارب سے بڑھا کر 7 ارب روپے کرنے کا فیصلہ بھی کیا گیا ہے، اس فیصلے کا مقصد غریب والدین پر معاشی بوجھ کم کرنا اور داخلہ مہم کو مؤثر بنانا ہے، خیبر پختونخوا حکومت، صوبے بھر میں تعلیم کے فروغ کیلئے عملی اقدامات کر رہی ہے۔