سعودی عرب میں آج عید الفطر کا چاند دیکھنے کیلیے اجلاس

پاکستان ٹوڈے کی تفصیلات کے مطابق عرب میڈیا کے مطابق سعودی عرب میں عید الفطر کا چاند دیکھنے کی شہادتیں جمع کرنے کے لیے سپریم کورٹ اور مقامی اداروں کا اہم اجلاس ہوگا جس میں چاند دیکھنے کی موصول ہونے والی شہادتوں کو پرکھا جائے گا۔

اگر چاند نظر آنے کی شہادتیں درست ثابت ہوجاتی ہیں تو سعودی سپریم کورٹ عید الفطر کا اعلان کردے گی تاہم ماہرین فلکیات کا کہنا ہے کہ آج چاند نظر آنے کا کوئی امکان نہیں۔
ماہرین فلکیات نے دعویٰ کیا ہے کہ سعودی عرب سمیت خلیجی ممالک میں رمضان کا مہینہ 30 دنوں کا ہوگا اور عید الفطر 10 اپریل بروز بدھ ہوگی تاہم حمتی اعلان سپریم کورٹ کرے گی۔

پاکستان میں بھی عید الفطر کا چاند منگل کو نظر آنے کا قوی امکان ہے۔ اس طرح پاکستان اور سعودی عرب میں عید ایک ہی دن ہوگی۔