سلمان خان کی باڈی گارڈسےشادی کی خبرشیئرکرنایاسرحسین کومہنگاپڑھ گیا

پاکستانی اداکاریاسرحسین نےبالی ووڈ کےمعروف اداکارسلمان خان کی اپنے باڈی گارڈسےشادی کی خبرسوشل میڈیاپرشیئر کی جوکہ اُن کےلئےتنقیدکاباعث بن گئی۔
بالی ووڈ میں صلوبھائی کےنام سےپہنچان رکھنےوالےسلمان خان کی حال ہی میں ایک تصویرسوشل میڈیا پرگردش کررہی ہےجس کویاسر حسین نےفوٹو اینڈ ویڈیو شیئرنگ پلیٹ فارم انسٹاگرام پر ایک طنزیہ خبر کا اسکرین شاٹ شیئر کیا، جس میں دعویٰ کیا گیا تھا کہ بالی ووڈ اداکار سلمان خان نے اپنے دیرینہ باڈی گارڈ شیرا سے ایک خفیہ تقریب میں شادی کرلی ہے۔ یاسر نے اس پوسٹ پر تبصرہ کرتے ہوئے لکھا، ’’امید ہے یہ خبر فیک ہو۔‘‘
یاسر حسین کی یہ انسٹاگرام اسٹوری وائرل ہوتے ہی سوشل میڈیا پرایک طوفان برپاہوگیا،صارفین نے ان پر تنقید شروع کر دی۔ کئی صارفین نے اسے غیر ضروری اور نامناسب عمل قرار دیا۔
ایک صارف نے یاسر پر تنقید کرتے ہوئے لکھا کہ ’’کبھی اچھی بات بھی شیئر کر لیا کرو‘‘، جبکہ ایک اور صارف کا کہنا تھا کہ ’’یہ کس قدر غلیظ بات ہے‘‘۔ کئی مداحوں نے سلمان خان کی حمایت کرتے ہوئے اس قسم کی افواہوں کو مسترد کر دیا۔
یہ افواہ دراصل ایک انسٹاگرام اکاؤنٹ balance_singhh کی طنزیہ پوسٹ سے شروع ہوئی، جس میں ایک مزاحیہ اور غیر حقیقی خبر شیئر کی گئی تھی اور اس تصویر میں شیرا سلمان خان کو گلے لگائے پوز کر رہے تھے۔ پوسٹ میں واضح طور پر درج تھا کہ یہ محض ایک طنزیہ میم ہے اور اس کی کوئی حقیقت نہیں۔
تاہم سوشل میڈیا پر یہ طنزیہ میم تیزی سے وائرل ہوگئی جس پر صارفین نے حقیقت جانے بغیر ہی اس پر تبصرے شروع کردیئے۔