سمر گیمز سپورٹس کی ترقی کیلئے اہم ، نیا ٹیلنٹ سامنے آئے گا،ڈی جی سپورٹس

ڈی جی سپورٹس پنجاب خضرافضال چودھری نےکہاہےکہ سمر گیمز سپورٹس کی ترقی کیلئے اہم ہے، سمر گیمز سے سپورٹس کا نیا ٹیلنٹ سامنے آئے گا۔
ڈی جی سپورٹس پنجاب خضرافضال چودھری کی زیر صدارت وزیراعلیٰ پنجاب سمر گیمز کی تیاریوں کے حوالے سے اہم اجلاس منعقدہوا،جس میں ڈائریکٹرایڈمن ڈاکٹر محمد کلیم اور ڈائریکٹرسپورٹس رانا ندیم انجم ودیگر نے شرکت کی۔
اجلاس سےگفتگوکرتےہوئےڈی جی سپورٹس پنجاب نےکہاکہ عید کے بعد وزیراعلیٰ پنجاب سمر گیمز کا صوبائی مرحلہ لاہور میں ہوگا۔ وزیراعلیٰ پنجاب سمر گیمز کے انٹرتحصیل اور ڈسٹرکٹ سطح کے مقابلے جلد شروع ہوں گے۔پنجاب کے تمام ڈویژنل اور ڈسٹرکٹ سپورٹس افسران روزانہ گراؤنڈز میں سپورٹس سرگرمیوں میں شرکت کے پابند ہوں گے۔
خضرافضال چودھری نےمزیدکہاکہ وزیراعلیٰ پنجاب سمر گیمز سپورٹس کی ترقی کیلئے اہم ہے،سمر گیمز سے سپورٹس کا نیا ٹیلنٹ سامنے آئے گا، سپورٹس کی ترقی کیلئے سپورٹس افسران کے کام کو بھی مانیٹرکیا جائے گا۔