سمندری طوفان کےاثرات امریکی انتخابات پرمرتب ہوتےنظر آرہے ہیں، جوبائیڈن

امریکی صدرجوبائیڈن نےکہاہےکہ سمندری طوفان ملٹن کے امریکی صدارتی انتخابات پر بھی گہرے اثرات مرتب ہوتے ہوئے نظر آتے ہیں۔
وائٹ ہاؤس میں صحافیوں سےگفتگوکرتےہوئے امریکی صدرجوبائیڈن کاکہناتھا کہ وہ اتوار کو فلوریڈا کا دورہ کریں گے کیونکہ صدی کے سب سے خطرناک طوفان کے امریکی صدارتی انتخابات پر بھی گہرے اثرات مرتب ہوتے ہوئے نظر آتے ہیں۔
قبل ازیں امریکی صدر صورتحال کے پیش نظر اپنا جرمنی کے دورہ منسوخ کرچکے ہیں جہاں وہ یوکرین کے حامیوں اور صدر زیلینسکی سے ملاقات کرنے والے تھے تاہم اب وہ سیلاب متاثرین کی بحالی کے اقدامات کی نگرانی کریں گے۔
واضح رہےکہ امریکی ریاست فلوریڈا میں آنےوالےصدی کےسب سے خطرناک سمندری طوفان ملٹن سےتقریباً22لاکھ صارفین تاحال بجلی سےمحروم ہیں، طوفان کی وجہ سے بڑی تعداد میں گھروں، عمارتوں اور تفریح گاہوں کو بڑے پیمانے پر نقصان پہنچا ہے ۔جس کےباعث فلوریڈامیں 50ارب ڈالرکےنقصان کاخدشہ ہے۔