کینیڈین فوٹوگرافر نےسمندر کی گہرائی میں فوٹو شوٹ کانیا عالمی ریکارڈبناڈالا

سمندر کی گہرائی میں فوٹو شوٹ کانیا عالمی ریکارڈبن گیا۔امریکا میں کینیڈین فوٹوگرافر اور ماڈل نےزیر سمندر 163.38 فٹ کی گہرائی میں فوٹو شوٹ کر کے اپنا ہی گنیز ورلڈ ریکارڈ توڑ دیا۔
فلوریڈا کے ساحل پر امریکا کے ڈائیونگ اور سیفٹی ماہر کی مدد سے کینیڈا سے تعلق رکھنے والے سٹیون ہیننگ اور سیارا اینٹوسکی نے 2021 میں 21 فٹ گہرائی میں سمندر کی سب سے زیادہ گہرائی میں ماڈل فوٹو شوٹ کا ریکارڈ بنایا تھا۔اس کیلئےسٹیون اور سیارا مہینوں تک تکنیکی تربیت، گیس بلینڈنگ اور ڈی کمپریشن پریکٹس سے گزرے ،تاکہ بوکا ریٹن کے ساحل پر ہائیڈرو ایٹلانٹک جہاز کے ملبے کے ساتھ اپنا فوٹو شوٹ ریکارڈ کر کے اپنا ہی بنایا ریکارڈ توڑ سکیں۔
اب دونوں اپنا ہی ریکارڈ توڑنے میں کامیاب ہوئے ہیں،ریکارڈ بریکنگ مہم کے دوران ہیننگ 163.38فٹ کی گہرائی میں پانی کے اندر تصاویر بنوائیں، جبکہ سارہ نے بطور ماڈل کام کیا۔ اس طرح دونوں نے اپنا گزشتہ ریکارڈ توڑڈالا اور سمندر کی گہرائی میں فوٹو شوٹ کانیا عالمی ریکارڈبن گیا ہے۔