سنیتا آہوجا نے گووندا سے طلاق کی خبروں پرردعمل دیدیا

بالی ووڈکےمعروف اداکارگوونداکی اہلیہ سنیتا آہوجا نے طلاق کی خبروں پرردعمل دےدیا۔
گزشتہ کچھ عرصےسےاداکارگووندااوران کی اہلیہ کی طلاق کی خبریں زیرگردش تھیں جس پر اب سنیتاآہوجانےردعمل دیتےہوئےکہاہےکہ ’ہم دونوں کو کوئی الگ نہیں کرسکتا‘۔
انہوں نے مزید کہا ’اگر اس دنیا میں کوئی یہ سوچتا ہے کہ وہ مجھے اور گووندا کو الگ کر سکتا ہے، تو وہ آگے آئے اور کوشش کرے۔‘
دوسری جانب سنیتا آہوجا نے الگ رہنے کے حوالےسےوضاحت دی کے کہ جب وہ (گووندا) سیاست میں آئے، ہماری بیٹی بڑی ہو رہی تھی اور پارٹی کے بہت سے کارکن ہمارے گھر آتے تھے اس لئے ہم نے اپنے گھر کے بالکل سامنے ایک دفتر کی جگہ لی تاکہ ہم اپنی شارٹس میں گھر میں آزادانہ گھوم پھر سکیں‘۔
واضح رہےکہ اداکارگووندا نے ان خبروں کو میڈیا والوں کے بزنس کرنے کا طریقہ قرار دیتے ہوئے انہیں درگزر کردیا تھا جس کے بعد اب ان کی اہلیہ نے بیان جاری کردیا ہے۔