سونےکی قیمت میں ایک بارپھربڑااضافہ

مقامی وعالمی مارکیٹ میں سونےکی قیمت میں ایک بارپھربڑااضافہ ہونےسے سونےکی قیمت نے ماضی کےتمام ریکارڈتوڑدیئے۔
صرافہ مارکیٹ میں سونےکی فی تولہ قیمت میں 3ہزارروپےکااضافہ ہونے سے سونا 2 لاکھ 80 ہزار 900 روپے کا ہوگیا ہے۔اسی طرح 10 گرام سونا 2 ہزار 572 روپے اضافے کے بعد 2 لاکھ 40 ہزار 826 روپے میں فروخت ہورہا ہے۔
دوسری جانب عالمی مارکیٹ میں سونے کا بھاؤ 30 ڈالر اضافے کے بعد 2712 ڈالر فی اونس ہے جبکہ چاندی کی فی تولہ قیمت 3 ہزار 50 روپے پر مستحکم رہی۔
یادرہےکہ گزشتہ روزبھی صرافہ مارکیٹ میں سونےکی قیمت میں 700روپےکااضافہ ہواتھاجس سے سونا 2لاکھ 77ہزار900روپےفی تو لہ ہوگیاتھا10گرام سونےکی قیمت میں 600 روپےکااضافہ ہواتھاجس سے10گرام سونا2لاکھ 38ہزار 2سو 54روپے کا ہوگیا تھا۔
عالمی مارکیٹ میں فی اونس سونےکی قیمت میں7ڈالرکااضافہ ہونےسےفی اونس قیمت 2682ڈالر ہوگئی تھی، جبکہ چاندی کی فی تولہ قیمت 3 ہزار 50 روپے پر مستحکم رہی تھی۔