سپریم کورٹ میں 26ویں آئینی ترمیم کیخلاف ایک اوردرخواست دائر

سپریم کورٹ میں 26 ویں آئینی ترمیم کے خلاف ایک اور درخواست دائر کر دی گئی۔
سپریم کورٹ بارکےسابق8صدورکی جانب سے26ویں آئینی ترمیم کےخلاف عدالت میں درخواست دائرکی گئی، درخواست سردار لطیف کھوسہ اور بیرسٹر صلاح الدین کے ذریعے دائر کی گئی۔درخواست گزاروں میں حامد خان، امان اللہ کنرانی، عابد حسن منٹو، علی احمد کرد، اکرم شیخ، قاضی محمد انور، منیر اے ملک اور عابد زبیری شامل ہیں۔
درخواست میں موقف اختیارکیاگیاکہ 26 ویں آئینی ترمیم عدلیہ کی آزادی سے متصادم اور اختیارات کی تقسیم کے اصول کے بر خلاف ہے، 26 ویں آئینی ترمیم مخصوص نشستوں کے فیصلے کے بغیر نہیں ہوسکتی تھی۔
درخواست میں استدعا کی گئی کہ حتمی فیصلے تک 26 ویں آئینی ترمیم کے نتیجے میں ہونے والے تمام اقدامات کو معطل کیا جائے۔اور آئینی ترمیم کو کالعدم قرار دینے کی استدعا کی گئی ۔