سپیس ایکس نے خلا میں مزید تیز رفتار انٹرنیٹ سیٹلائٹس روانہ کردیں

اب انٹرنیٹ چلے گا نہیں، بلکہ دوڑے گا۔سپیس ایکس نے خلا میں مزید تیز رفتار انٹرنیٹ سیٹیلائٹس روانہ کردیں۔
سپیس ایکس نے فلوریڈا میں مشرقی ساحل سے متعدد سٹار لنک سیٹیلائٹس سے لدے فالکن 9 راکٹ کو خلا میں روانہ کردیا ہے۔
میڈیا رپورٹس کے مطابق راکٹ کو فلوریڈا میں کیپ کیناویرل سپیس فورس سٹیشن پر خلائی لانچ کمپلیکس سے 12 بجکر43منٹ پر لانچ کیا گیا۔اس مشن کا مقصد 23 سٹار لنک سیٹیلائٹس کا ایک بیچ خلا میں تعینات کرنا تھا ،جن میں سے 13 براہ راست سیل ٹو سیل صلاحیتوں کے حامل ہیں۔
یہ سیٹیلائٹس خلا میں جاکر زمین کے نچلے مدار میں موجود ہزاروں سیٹیلائٹس کے جتھے میں شامل ہو جائیں گی، جو ملکر دنیا بھر میں تیز رفتار انٹرنیٹ فراہم کریں گی۔
ذرائع کے مطابق سیٹیلائٹس کو خلا میں تعینات کرنے کے بعد پہلے مرحلے کا بوسٹر بحفاظت زمین پر واپس آیا اور جسٹ ریڈ دی انسٹرکشنز ڈرون شپ پر اترا، جو بحر اوقیانوس میں واقع ہے۔