سڑکوں پر خود سے ڈرائیو ہونیوالی ٹیکسیاں کب سے چلیں گی؟

سڑکوں پر خود سے ڈرائیو ہونیوالی ٹیکسیاں کب سے چلیں گی؟ٹرانسپورٹ اور اے آئی کمپنیوں کا بڑا منصوبہ سامنے آ گیا۔منصوبے کے تحت اب سڑکوں پر خود سے آٹو ڈرائیو ٹیکسیاں چلیں گی۔
تفصیلات کے مطابق اوبر نے ایک اے آئی کمپنی سے ملکر نیا منصوبہ بنایا ہے، جس کے تحت آئندہ سال 2026 کے موسم بہار سے لندن میں سیلف ڈرائیو ٹیکسی چلائی جائے گی، یہ سڑکوں پر چلنے والی مکمل طور پر خود مختار ٹیکسی ہوگی۔برطانوی حکومت نے بھی نئی قانون سازی کے بعد سیلف ڈرائیو کار کے ٹرائلز کے سلسلے کو تیز کر دیا ہے، محکمہ ٹرانسپورٹ نے تصدیق کی ہے کہ ڈرائیور کے بغیر ٹیکسی اور بس جیسی سروسز کے تجارتی ٹرائلز مقررہ وقت سے ایک سال پہلے شروع ہوں گے۔
ٹرانسپورٹ کمپنی کا کہنا ہے کہ ٹرائل کے دوران ابتدائی طور پر گاڑی میں ہیومن سیفٹی ڈرائیور موجود ہوگا، تاہم توقع ہے کہ ان ٹرائلز کے دوران ہی مکمل طور پر بغیر ڈرائیور کی آزمائش بھی کر لی جائے گی۔بغیر ڈرائیور کی اس کار میں جدید ترین 4 AI ٹیکنالوجی استعمال کی جائے گی، جسے مائیکروسافٹ جیسے سرمایہ کاروں کی مدد حاصل ہے، یہ ٹیکنالوجی پیچیدہ ماحول کیلئے ڈیزائن کی گئی ہے ،اس لیے اس کا تجربہ لندن کی مصروف ترین اور غیر متوقع سڑکوں پر کیا جائے گا۔
ان ٹرائلز کو تیز کرنے سے بڑے فوائد حاصل ہو سکتے ہیں، جن میں سڑک پر مسافروں کی حفاظت کو بہتر بنانا، اندازاً 38 ہزار سے زائد ملازمتیں پیدا کرنا اور 2035 تک 42 ارب پاؤنڈ تک کی سرمایہ کاری شامل ہے۔