سیاحت کا سلسلہ : گوادر سے خلیجی ممالک کیلئے فیری سروس شروع کرنے کا فیصلہ

سیاحت کےفروغ کا سلسلہ ، گوادر سے خلیجی ممالک کیلئے فیری سروس شروع کرنے کا فیصلہ، وفاقی وزیر بحری امور جنید انوار نے گوادر سے خلیجی ممالک کیلئے جلد نئی فیری سروس کا آغاز کرنے کا اعلان کر دیا۔
وفاقی وزیر بحری امور جنید انوار کی زیر صدارت گوادر پورٹ پر اجلاس میں نئی فیری سروس، شپنگ لائنز اور انفراسٹرکچر کی بہتری کے امور کا جائزہ لیا گیا۔اجلاس میں بتایا گیا کہ گوادر بندرگاہ مکمل طور پر فعال ہو چکی، نئی شپنگ لائنز جلد فعال ہوں گی،جس سے بندرگاہوں پر دباؤ کم ہوگا ، گوادر کو تجارتی اور سیاحتی مرکز بنانے کیلئے ہر ممکن اقدام کیا جائے گا۔
گوادر فیری سروس شروع ہونے سے وسط ایشیا اور مشرق وسطیٰ کے ساتھ تجارتی رابطے مضبوط ہوں گے، فیری سروس سے بلوچستان میں سرمایہ کاری اور سیاحت بڑھے گی۔