سیاحت کا فروغ: شندور پولو فیسٹیول کی تاریخ کا اعلان ہو گیا
پاکستان ٹوڈے: سیاحت کے فروغ کیلئے محکمہ سیاحت و حکومت خیبرپختونخوا نے شندور پولو فیسٹیول کی تاریخ کا اعلان کر دیا۔
تفصیلات کے مطابق دنیا کے سب سے بلند مقام پر شندور پولو فیسٹیول کا آغاز 28 جون سے ہو گا۔ انتظامیہ کے مطابق شندور پولو فیسٹیول 28 جون سے 30 جون تک وادی اپر چترال میں منعقد ہوگا۔ مشیر سیاحت و ثقافت زاہد چن زیب نے حکام کو شندور پولو فیسٹیول کی تمام تیاریوں کو حتمی شکل دینے کی ہدایت کر دی۔
وزیر اعلیٰ خیبر پختونخوا علی امین گنڈا پور نے بھی شندور پولو فیسٹیول کیلئے تمام تیاریوں کو فی الفور حتمی شکل دینے کی ہدایات جاری کی ہیں۔ ان کا کہنا تھا کہ فیسٹیول میں آنے والے سیاحوں کو ہر ممکن سہولیات کی فراہمی یقینی بنائی جائے۔ مشیر سیاحت و ثقافت زاہد چن زیب نے شندور پولو فیسٹیول کی کامیابی سے انعقاد کے لیے آگاہی مہم ابھی سے چلانے کا حکم دیا ہے۔
شندور پولو فیسٹیول میں چترال لوئر و چترال اپر کی ٹیمیں گلگت بلتستان کی ٹیموں سے مدمقابل ہونگی۔شندور پولو فیسٹیول خیبرپختونخوا ٹورازم اتھارٹی، ضلعی انتظامیہ چترال لوئر و چترال اپر اور چترال سکاؤٹس کے باہمی اشتراک سے منعقد ہوگا۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔