شاہ رخ خان کوقتل کی دھمکی دینےوالےملزم کےتہلکہ خیز انکشافات

بھارتی فلم انڈسٹری میں کنگ خان کےنام سےشہرت رکھنےوالےشاہ رخ خان کوقتل کرنےکی دھمکی دینےوالےملزم کےدوران تفتیش تہلکہ خیزانکشافات سامنےآگئے۔
بھارتی میڈیا کے مطابق شاہ رخ خان کوقتل کی دھمکی دینےوالاملزم پولیس حراست میں ہے،جہاں پرملزم فیضان خان نے دوران تفتیش حیران کردینےوالے انکشافات کئے۔ملزم نےپولیس کوبتایاکے اس نے آن لائن سرچ کے ذریعے شاہ رخ خان، ان کے بیٹے آریان خان اور ان کے خاندان کی سیکیورٹی اور نقل و حرکت سے متعلق حساس معلومات حاصل کی تھیں۔
تحقیقات کے دوران انکشاف ہوا کہ قتل کی دھمکی اور 50 لاکھ روپے تاوان طلب کرنے سے پہلے ملزم نے بڑی محنت سے یہ تفصیلات جمع کیں۔ باندرہ پولیس نے فیضان خان کے دوسرے موبائل فون کی برآمدگی کے بعد یہ معلومات حاصل کیں۔ ملزم فیضان خان 10روزہ جوڈیشل حراست میں ہے۔
پولیس کا کہنا ہے کہ دوران تفتیش ملزم گمراہ کن جوابات دینے اور حقائق چھپانے کی کوشش کرتا رہا تاہم کئی اہم معلومات فراہم کر چکا ہے جو اس کے جرم کو ثابت کرتی ہیں۔
رواں ماہ7نومبرکوملزم فیضان نےلینڈلائن نمبرپرفون کرکےشاہ رخ خان کوقتل کی دھمکی دی تھی ۔ نامعلوم ملزم کے خلاف مقدمہ درج کیا اور 12 نومبر کو اسے چھتیس گڑھ سے گرفتار کر لیا تھا۔