شعبان المعظم کا چاند کب نظر آئے گا؟ محکمہ موسمیات کی پیشگوئی

رمضان المبارک سے قبل آنیوالےاسلامی مہینے شعبان المعظم کا چاند کب نظر آئے گا؟ محکمہ موسمیات نے پیشگوئی کر دی۔کلائمٹ ڈیٹا پروسیسنگ سینٹر کے مطابق شعبان کا چاند 30 جنوری بروز جمعرات نظر آنے کا قوی امکان ہے۔
محکمہ موسمیات کے ماہرین کا کہنا ہے کہ چاند کی پیدائش 29 جنوری کی صبح 5 بجکر 36 منٹ پر ہو جائے گی۔
محکمہ موسمیات کے مطابق غروب آفتاب کے وقت چاند کی عمر 25 گھنٹے 4 منٹ ہو گی، تاہم شعبان المعظم کاچاند نظر آنے کا دورانیہ غروب آفتاب کے بعد 57 منٹ تک رہنے کا امکان ہے۔