شہباز حکومت میں شرمندگی کےنئےریکارڈبن رہےہیں،بیرسٹرسیف

مشیراطلاعات خیبرپختونخوابیرسٹرسیف نےکہاہےکہ شہبازشریف حکومت میں شرمندگی کےنئے ریکارڈ بن رہےہیں۔
بنگلہ دیش سےتاریخی شکست اوروائٹ واش کےبعدتحریک انصاف نےبھی حکومت پرتنقیدکےنشتربرسادئیے۔رہنماپی ٹی آئی ومشیراطلاعات خیبرپختونخوابیرسٹرسیف کاکہناتھاکہ بنگلہ دیش کےہاتھوں اپنےہی ملک میں وائٹ واش کاسامناکرناپڑاہے،محسن نقوی کوپی سی بی چیئرمین شپ الیکشن میں بدترین دھاندلی کےانعام میں ملی،کرکٹ کی بہتری محسن نقوی کی ترجیحات میں شامل نہیں،جعلی حکومت اورمحسن نقوی کی ترجیحات پی ٹی آئی کارکنوں کی پکڑدھکڑ ہے۔
بیرسٹرسیف کامزیدکہناتھاکہ شہباز شریف حکومت میں شرمندگی کے نئے ریکارڈ بن رہے ہیں۔ورلڈکپ میں بدترین کارکردگی کےبعد محسن نقوی نےٹیم میں سرجری کا شوشہ چھوڑا تھا، اسی دن میں نےکہا تھا کہ سرجری فارم 47 حکومت کی ہونی چاہیے، فارم 47 کی جعلی حکومت نےکرکٹ کے میدانوں کو بھی سیاست کی نذر کیا ہے جب کہ ارشد ندیم نے اپنی ہی محنت پر ریکارڈ بنایا تھا، اس میں حکومت کا کوئی کردار نہیں۔
یاد رہے کہ بنگلہ دیش نے پاکستان کو راولپنڈی کرکٹ اسٹیڈیم میں ہونے والے پہلے میچ میں 10 اور دوسرے میچ میں 6 وکٹوں سے شکست دے کر سیریز میں وائٹ واش کیا۔