صارفین کیلئے خوشخبری :میٹا کی نیا اے آئی ماڈل ریلیز کرنے کی تیاری

سوشل میڈیا صارفین کیلئے خوشخبری،میٹا کی نیا اے آئی ماڈل ریلیز کرنے کی تیاری،میٹا نے رواں ماہ کے آخر تک اپنا نیااے آئی ماڈل لاما 4 ریلیز کرنے کی تیاریاں تیز کر دیں۔
میٹا کی مصنوعی ذہانت کی دوڑ میں آگے بڑھنے کی اس پیشرفت سے منسلک دو ملازمین کا کہنا ہے کہ نئے ماڈل کی ریلیز دوبارہ ملتوی کی جا سکتی ہے۔اوپن اے آئی اور چیٹ جی پی ٹی کی کامیابی کے بعد ٹیکنالوجی کی بڑی کمپنیاں مصنوعی ذہانت میں جارحانہ انداز میں سرمایہ کاری کر رہی ہیں، جس نے ٹیک لینڈ سکیپ کو تبدیل کر دیا ہے۔
رپورٹس کے مطابق لاما 4 کی ریلیز کی تاخیر کی ایک وجہ تکنیکی معیارات خاص طور پر ریاضی کے کاموں میں توقعات پر پورا نہیں اترنا تھا۔کمپنی کو اس بات پر بھی تشویش تھی کہ لاما 4 انسانوں جیسی آواز کی بات چیت کرنے میں اوپن اے آئی کے ماڈلز سے کم قابل تھا۔بڑی ٹیک کمپنیوں پر سرمایہ کاروں کے دباؤ کے درمیان میٹا رواں سال اے آئی انفراسٹرکچر کو وسعت دینے کیلئے 65 بلین ڈالر خرچ کرنے کا ارادہ رکھتی ہے۔
چینی ٹیک فرم ڈیپ سیک کے کم لاگت والے ماڈل کا عروج اس یقین کو چیلنج کرتا ہے کہ بہترین اے آئی ماڈل تیار کرنے کیلئے اربوں ڈالر کی ضرورت ہے۔لاما 4 سے توقع ہے کہ وہ ڈیپ سیک سے کچھ تکنیکی پہلوؤں کو ادھار لے گا، جس میں کم از کم ایک ورژن مشین لرننگ تکنیک کو استعمال کرنے کیلئے تیار کیا جائے گا۔