طلبا و طالبات موسم گرما کی تعطیلات کےدوران کیا کریں؟

عید الاضحی اورموسم گرما کی تعطیلات کی اہم سرگرمیاں،گرمیوں کی چھٹیوں میں طلبا کیا کریں؟تعلیمی ماہرین نے طالبعلموں کے اہم سوال کا جواب دیدیا۔
موسم گرما کی تعطیلات طالبعلموں کے آرام، نئی دلچسپیوں کی تلاش اور تفریح کرنے کا پرفیکٹ ٹائم ہوتا ہے۔
ماہرین تعلیم کا کہنا ہے کہ طالبعلم گرمیوں کی چھٹیوں کےدوران دھوپ اور گرمی سے بچتے ہوئے آوٹ ڈور ایڈونچرز، جس میں پیدل چلنا، بائیکنگ، تیراکی، سپورٹس، فٹبال یا باسکٹ بال یا پھر پارک میں پکنک سے انجوائے کر سکتے ہیں۔
اس کے علاوہ وہ نئے نئے مشاغل سیکھ سکتے ہیں، جس میں میوزیکل انسٹرومنٹس، پینٹنگ یا پھر کسی نئی زبان کا سیکھناوغیرہ اہم ہے۔
نئی نسل ڈیجیٹل نسل ہے، لہٰذا طلبا کمپیوٹر کی مہارت سیکھنے کیساتھ ڈاکیو مینٹری بنانا، معلوماتی ویڈیو اَپ لوڈ کرنا یااچھی فوٹوگرافی جیسے مشاغل اپنا سکتے ہیں۔اس کے ساتھ ان ڈورپرجوش اور تخلیقی گیمز سیکھنا، روبوٹ بنانا یا کسی سپورٹس ٹورنامنٹ میں حصہ لینا بھی طالبعلموں کی غیر نصابی تفریحی سرگرمیاں بن سکتی ہیں۔