طلبا کیلئے اہم خبر:دنیا کی10 بہترین یونیورسٹیوں کی فہرست جاری

دنیا کی 10 سب سے بہترین یونیورسٹیاں کون سی ہیں؟کیو ایس ورلڈ یونیورسٹی رینکنگ 2026 جاری ،یہ رینکنگ طلبا اور اساتذہ کیساتھ پالیسی سازوں کو رہنمائی فراہم کرتی ہے کہ کون سی یونیورسٹیاں عالمی معیار کے مطابق تعلیم اور تحقیق میں قیادت کر رہی ہیں۔
دنیا کی ٹاپ 10 یونیورسٹیوں کی فہرست ایک بار پھر امریکا کی میساچوسٹس انسٹیٹیوٹ آف ٹیکنالوجی (MIT) نمبر ون یونیورسٹی قرارپائی ہے، یہ مسلسل 14 ویں سال پہلی پوزیشن پر ہے، کیونکہ ٹیکنالوجی، سائنس اور انوویشن میں اس کا کوئی مقابل نہیں۔
دوسری پوزیشن پربرطانیہ کا امپیریل کالج لندن ہے، جو سائنس، انجینئرنگ، میڈیسن اور بزنس کیلئے مشہور ہے۔فہرست میں سٹینفورڈ یونیورسٹی امریکانے اپنی پوزیشن بہتر کر کے تیسرے نمبر پر جگہ بنائی ہے، سلیکن ویلی کے دل میں واقع یہ ادارہ انٹرپرینیورشپ اور انوویشن کیلئے معروف ہے۔اس کے بعددنیا کی قدیم ترین درسگاہوں میں سے ایک آکسفورڈ یونیورسٹی اپنی ہزار سالہ تعلیمی روایت اور ریسرچ میں قیادت کے باعث ٹاپ 5 میں شامل ہے۔
امریکا کی سب سے پرانی ہارورڈ یونیورسٹی، دنیا بھر میں تعلیمی وقار اور وسیع ترین فنڈز کے باعث منفرد مقام رکھتی ہے، جبکہ آئزک نیوٹن اور ڈارون جیسے عظیم سائنسدانوں کی مادر علمی، یونیورسٹی آف کیمبرج بھی مسلسل دنیا کی بہترین جامعات میں شامل ہے۔اس کے بعدای ٹی ایچ زیورخ ، سوئٹزرلینڈ،نیشنل یونیورسٹی آف سنگاپور،یونیورسٹی کالج لندن (UCL) اورکیلی فورنیا انسٹیٹیوٹ آف ٹیکنالوجی کے نام فہرست میں شامل ہیں۔