عالمی طاقتیں مفادات نہیں، اخلاقی ذمہ داری کے تحت کردار ادا کریں،یوسف رضاگیلانی

چیئرمین سینیٹ سیدیوسف رضاگیلانی نےکہاہےکہ عالمی طاقتیں مفادات نہیں، اخلاقی ذمہ داری کے تحت کردار ادا کریں۔
وینس میں عالمی امن کانفرنس کاانعقادکیاگیاجس میں چیئرمین سینیٹ سیدیوسف رضاگیلانی نےپاکستان کی نمائندگی کی۔کانفرنس میں یورپی شخصیات نےبھی بھرپورشرکت کی۔
کانفرنس سےخطاب کرتےہوئے چیئرمین یوسف رضاگیلانی کاکہناتھاکہ عالمی برادری سے اپیل ہے کہ امن کے لیے انصاف، مکالمہ اور انسانی وقار کو ترجیح دی جائے، امن صرف جنگ کا نہ ہونا نہیں، بلکہ انصاف کی موجودگی ہے۔
اُن کامزیدکہناتھاکہ وینس کانفرنس، بین المذاہب ہم آہنگی اور امن کے لیے پاکستان کے عزم کا مظہر ہے،یہ کانفرنس نہیں، ایک عالمی عہد ہے۔ مسئلہ کشمیر کے حل کے لیے عالمی ضمیر کو متحرک کرنے کی ضرورت ہے۔
چیئرمین سینیٹ نے اپنے بیٹے کے اغوا کا ذاتی واقعہ بیان کر کے شرکاء کو گہرے جذبات میں مبتلا کر دیا،اورکہاکہ عالمی طاقتیں مفادات نہیں، اخلاقی ذمہ داری کے تحت کردار ادا کریں۔