عثمان خالد بٹ کی شادی کیلئےکون پریشان رہتاہےاداکارنےبتادیا

پاکستان شوبزانڈسٹری کےسٹاراداکارعثمان خالدبٹ کی شادی کےلئےکون پریشان رہتاہے،اداکارنےبتادیا۔
حال ہی میں اداکارعثمان خالدبٹ نےایک پوڈکاسٹ میں بطورمہمان شرکت کی ،جہاں پراُن سےنجی زندگی اورکیر ئیرکےمتعلق سوال وجواب کئےگئےجن کے اُنہوں نےبڑےہی دلچسپ جواب دئیے۔
میزبان نےعثمان خالدبٹ سےسوال کیاکہ آپ کےمداحوں نےکبھی آپ سے شادی کےبارےمیں پوچھاہےجس پراداکارنےجواب دیاکہ ہر بار اور سوشل میڈیا پر بھی بہت سوالات کیے جاتے ہیں، جس سے اب وہ تنگ آ چکے ہیں، عثمان خالد بٹ کا کہنا تھا کہ انہوں نے شادی نہ کرنے کا فیصلہ تو نہیں کیا لیکن وہ جلد شادی کے ارادے سے رشتہ وغیرہ نہیں دیکھ رہے۔
ان کے مطابق انٹرنیٹ اور سوشل میڈیا پر ان کی شادی سے متعلق بہت پوچھا جاتا ہے اور وہ کبھی بھی سماجی دباؤ میں آکر شادی نہیں کریں گے، اداکار نے مسکراتے ہوئے کہا کہ شوبز میں ان کے ساتھ کام کرنے والی زیادہ تر مرکزی اداکارائیں بھی تاحال غیر شادی شدہ ہیں تاہم انہوں نے کسی کا نام نہیں لیا۔اداکارنے شکوہ کیا کہ ان سے ہر کوئی شادی سے متعلق سوال توکرتا ہے لیکن کبھی کوئی ان کے پاس رشتہ لے کر نہیں آتا۔
عثمان خالد بٹ نے کہاکہ ان کی ایک ہی سچی اور مخلص دوست مریم نفیس ہےجو ان کی شادی کے لیے پریشان نظر آتی ہیں۔ اداکارہ نے متعدد بار انہیں کہا کہ فلاں لڑکی سے شادی کرلو لیکن پھر چند دن بعد فون کرکے کہا کہ اس لڑکی سے شادی نہیں کرنا، وہ ذہنی مرض میں مبتلا ہے۔
اداکار کا کہنا تھا کہ وہ ایسی خاتون سے شادی کریں گے جو کہ خاندانی روایات کو سمجھتی ہو اور روایات کو آگے بڑھائے۔