عمر ایوب کی نااہلی کا ریفرنس،الیکشن کمیشن نے90روزکاالٹی میٹم دیدیا

رہنماپی ٹی آ ئی عمرایوب کی نااہلی کے ریفرنس میں الیکشن کمیشن نےکہاہےکہ 90روزمیں ریفرنس پرفیصلہ کرناہے۔
سندھ سے رکن الیکشن کمیشن نثار درانی کی سربراہی میں چار رکنی بینچ نے عمر ایوب کی نااہلی سے متعلق سپیکر کی جانب سے بھیجے گئے ریفرنس پر سماعت کی۔
عمر ایوب کے وکیل کے مطابق کیس کی سماعت آج پشاور ہائی کورٹ میں جاری ہے، اور ان کے موکل کی نمائندگی ایک جونیئر وکیل کر رہے ہیں۔
ممبر الیکشن کمیشن نے ریمارکس دیے کہ اب اس ریفرنس کی سماعت کا کیا فائدہ، عمر ایوب تو پہلے ہی نااہل قرار دیے جا چکے ہیں۔
انہوں نے مزید کہا کہ سزا یافتہ ہونے کی وجہ سے عمر ایوب پہلے ہی نااہلی کا سامنا کر چکے ہیں۔
الیکشن کمیشن کے رکن کا کہنا تھا کہ ہمیں اس ریفرنس پر 90 دن کے اندر فیصلہ دینا ہے۔بالآخرالیکشن کمیشن نے سماعت ملتوی کرتے ہوئے نئی تاریخ 20 اگست مقرر کردی۔