عیدالاضحی کب ہوگی؟مرکزی رویت ہلال کمیٹی کا اجلاس طلب

عیدالاضحی کب ہوگی؟مرکزی رویت ہلال کمیٹی کا اجلاس آج طلب کرلیاگیا۔
ذی الحجہ کاچانددیکھنےکیلئےمرکزی رویت ہلال کمیٹی کااجلاس آج اسلام آبادمیں ہوگا،ذی الحجہ 1446 ہجری کاچانددیکھنےکےلئےاجلاس وزارت مذہبی امورکی عمارت میں ہوگا۔اجلاس کی صدارت چیئرمین رویت ہلال کمیٹی مولاناسیدمحمدعبدالخبیرآزادکریں گے۔
پاکستان کے خلائی تحقیقی ادارے سپارکو کے مطابق آج چاندکے نظرآنے کے امکانات نہ ہونے کے برابر ہیں، 27 مئی کی شام کوچاند کی عمر تقریباً 11 گھنٹے 34 منٹ ہوگی، لہٰذا سائنسی لحاظ سے بہترین موسمی حالات میں بھی ملک بھر میں چاند کے نظر آنے کے امکانات تقریباً نہ ہونے کے برابر ہیں۔
سپارکو کاکہناہےکہ ملک بھر میں یکم ذی الحج 29 مئی 2025 کو متوقع ہے اور عیدالاضحٰی 7 جون کوہونے کاامکان ہے۔
سپارکو کا کہنا ہے کہ تاہم مرکزی رویت ہلال کمیٹی ،چشم دید گواہیوں اور موسمی حالات کے مطابق چاند کی رویت کا حتمی فیصلہ کرنے کی مجاز ہے۔
ذہن نشین رہے کہ عیدالاضحی کا انحصار قمری کلینڈر اور چاند کی واضح رویت پر ہوتا ہے، لہٰذا حتمی فیصلہ مرکزی رویت ہلال کمیٹی کی جانب سے چاند دیکھنے کے بعد کیا جائے گا، تاہم فلکیاتی ماہرین کی رائے عوام کو پیشگی تیاری اور سفری منصوبہ بندی میں مدد فراہم کر سکتی ہے۔