غزہ: اسرائیلی فوج کا اسکول پر حملہ، بچوں سمیت 32 فلسطینی شہید
![](https://pakistantoday.tv/wp-content/uploads/2024/06/Gaza-905x400.jpg)
فلسطینی نیوز ایجنسی وفا کی تفصیلات کے مطابق اسرائیلی فوج نے اقوام متحدہ کے ادارے انروا کے اسکول پر حملہ کیا۔
اسرائیلی فوج کے بیان کے مطابق اسکول میں موجود حماس کے فائٹرز کو نشانہ بنایا گیا۔ فضائی حملے کے نتیجے میں عمارت میں پناہ لیے ہوئے خواتین اور بچوں سمیت 32 فلسطینی شہید ہوگئے جب کہ متعدد زخمی ہیں۔
غزہ کے سرکاری میڈیا رپورٹ میں ترجمان نے رائٹرز سے بات کرتے ہوئے کہا کہ اسرائیلی وضاحت کو مسترد کیا گیا، اور کہا کہ اسرائیل مظلوم فلسطینیوں پرحملوں کا جواز پیش کرنے کے لیے من گھڑت کہانیاں بنا رہا ہے۔
فلسطینی وزارت صحت کا بتاناہےکہ اسرائیلی حملوں میں شہید فلسطینیوں کی تعداد 36 ہزار سے زائد ہوگئی جب کہ اسرائیلی حملوں میں اب تک 82 ہزار سے زائد فلسطینی زخمی ہو چکے ہیں۔