غزہ میں اسرائیلی دہشتگردی کاسلسلہ نہ رک سکا،مزید42 شہید

غزہ میں گزشتہ24گھنٹوں میں اسرائیلی حملوں میں مزید42فلسطینی شہید جبکہ 163 زخمی  ہوگئے۔
گزشتہ سال7اکتوبرسےغزہ میں اسرائیلی دہشتگردی کاسلسلہ جاری ہےجس میں اب تک ہزاروں افرادشہیدہوچکےہیں،جن میں زیادہ تعدادخواتین اوربچوں کی ہے۔اسرائیلی دہشتگردی سےغزہ کوکھنڈرمیں بدل دیاگیاہے،اسرائیلی بربریت سےغزہ میں خوراک اورادویات جیسےسنگین مسائل پیداہورہےہیں۔
غیرملکی میڈیاکےمطابق غزہ میں اسرائیلی فوج نےنئےاحکامات جاری کردئیےہیں،جس کےبعدہزاروں کی تعدادمیں فلسطینی دیرالبلاح کےکچھ حصوں میں نقل مکانی کرنےپرمجبورہوگئےہیں۔غزہ کےعلاقوں دیرالبلاح اورخان یونس میں اسرائیلی فوج نےکارروائیوں میں تیزی کردی ہے۔جس سےلوگوں کی مشکلات میں اضافہ ہونےکےعلاوہ اُن کی زندگیاں بھی خطرےمیں پڑھ گئی ہیں۔
غزہ کی وزارت صحت کاکہناہےکہ گزشتہ سال سات اکتوبر سے غزہ پر جاری اسرائیلی حملوں میں شہداء کی تعداد 40 ہزار 265 ہوگئی جبکہ 93 ہزار 144 افراد زخمی ہیں۔
دوسری جانب جنوبی غزہ میں لڑائی کے دوران ایک صیہونی فوجی ہلاک ہوگیا جس کی اسرائیلی فوج نے تصدیق کردی۔