فلم ’استری2‘کی اُڑن اُنچی نیاریکارڈبناڈالا

بالی ووڈاداکارہ شردھاکپورکی سپرہٹ کامیڈی فلم ’استری2‘نےباکس آفس پرطوفان برپاکردیا،بالی ووڈکنگ شاہ رخ کی فلم ’پٹھان‘کو بھی شکست دیدی۔
رواں سال 15اگست کوسینماگھروں کی زینت بنےوالی فلم ’استری2‘ کے چرچے نہ صرف بھارت بلکہ پوری دنیامیں ہونےلگے۔فلم نےریلیز کے پہلے دن سے ہی باکس آفس پر دھوم مچائی ہے، دُنیا بھر سے کروڑوں کا بزنس کرنے والی اس فلم نے حال ہی میں دو بڑے کارنامے سرانجام دیے ہیں۔
’استری 2 ‘نے اپنی ریلیز کے ابتدائی 24 دنوں میں 516.25 کروڑ بھارتی روپے کا بزنس کرکے ساؤتھ انڈین فلم انڈسٹری کے اسٹار پرابھاس کی فلم’باہوبلی 2‘کو شکست دی تھی لیکن اب اس فلم نے ایک اور بڑا اعزاز اپنے نام کرلیا ہے۔
بھارتی میڈیا کے مطابق شردھا کپور اور راج کمار راؤ کی’استری 2‘نے 8 ستمبر اتوار کے روز باکس آفس پر 527 کروڑ کا بزنس کرکے بالی ووڈ کنگ شاہ رخ خان کی سُپر ہٹ فلم’پٹھان‘ کو بھی پیچھے چھوڑ دیا۔
شاہ رخ خان کی’پٹھان‘ نے ریلیز کے ابتدائی 25 دنوں میں 524.53 کروڑ کی کمائی کی تھی، اس طرح اب شردھا کپور کی’استری 2 ‘بھارت کی دوسری سب سے زیادہ کمائی کرنے والی ہندی فلم بن گئی ہے۔