فیک ویڈیوکیس:ایف آئی اےنےپیشرفت رپورٹ عدالت میں پیش کردی

صوبائی وزیراطلاعات عظمیٰ بخاری کی فیکٹ ویڈیوکیس میں ایف آئی اے نے پیش رفت رپورٹ عدالت میں پیش کردی۔
لاہورہائیکورٹ میں صوبائی وزیراطلاعات عظمیٰ بخاری کی فیک ویڈیوکےخلاف درخواست پرسماعت ہوئی،چیف جسٹس عالیہ نیلم نے صوبائی وزیراطلاعات عظمیٰ بخاری کی درخواست پر سماعت کی ۔
عدالت نے آئندہ سماعت پر ایکس سابق(ٹوئٹر) کی قانونی حیثیت پر دلائل طلب کرلیے ۔
چیف جسٹس عالیہ نیلم نےریمارکس دئیےکہ آئندہ سماعت پر سوشل ایپ کی قانونی حیثیت پر دلائل دیں۔
وکیل وفاقی حکومت نےکہاکہ ایف آئی اے نے پیش رفت رپورٹ عدالت میں پیش کردی ایف آئی اے کی تفتیشی ٹیم نے اسلام آباد میں چھاپے مارے ہیں۔ چار ملزمان کو اشتہاری قرار دیا جاچکا ہے،چاروں ملزمان کی جائیدادوں کو منجمد کرنے کی کارروائی کا آغاز ہوچکا ہے ،چار ملزمان کے ریڈ ورانٹ جاری کردیے گے ہیں ۔
وکیل وفاقی حکومت نےمزیدکہاکہ عتیق نامی پر فلک جاوید کو چھپانے کا الزام آتا ہے ، عتیق ملزم کو گرفتار کرنے کے لیے چھاپے مارے گے ، عتیق کا موبائل کبھی کبھی آون ہوتا ہے کبھی بند ہوتا ہے ۔ فلک جاوید کے خاوند شکیل کا کاروبار نجی کمپنی کی سم کی فرنچائز کاہے۔ فلک جاوید کے خلاف پی ٹی اے کو مراسلہ لکھ دیا ہے۔
چیف جسٹس عالیہ نیلم نےکہاکہ آپ اپنی تفتیش جاری رکھے آپ کی تفتیش میں کافی چیزیں سامنے آئیں ہیں۔
عدالت نے ایف آئی اے کی تفتیش پر ایف آئی اے کی تعریف کی۔
چیف جسٹس عالیہ نیلم نےکہاکہ آپ کی رپورٹس آچکی ہیں آپ نے بہت اچھا کام کیا ہے۔
وکیل و فاقی حکومت نےکہاکہ ٹویٹر کی بندش کے خلاف درخواستیں دیگر بنچ میں زیر سماعت ہیں۔ آپ تمام درخواستوں کو اس بنچ میں یکجا کردیں۔