قانونی معاونت کادائرہ کار سپریم کورٹ تک وسعت دینےکافیصلہ

سپریم کورٹ اعلامیہ میں کہاگیاہےکہ قانونی معاونت کادائرہ کار سپریم کورٹ تک وسعت دینےکافیصلہ کرلیا گیاہے۔
سپریم کورٹ کوئٹہ رجسٹری برانچ میں اعلیٰ سطح اجلاس منعقدہوا، چیف جسٹس یحییٰ آفریدی نےاجلاس کی صدارت کی۔،بلوچستان ہائیکورٹ،سپریم کورٹ بار اور پاکستان بار کے نمائندےاجلاس میں شریک ہوئے ،اجلاس میں بارایسوسی ایشنزاورلااینڈجسٹس کمیشن کےدرمیان تعاون کاجائزہ لیاگیا ،اجلاس کااعلامیہ جاری کردیاگیا۔
اعلامیہ کےمطابق انصاف کی فراہمی بہتربنانےکیلئےادارہ جاتی روابط مضبوط بنانےپر غور کیا گیا،ہر صوبےمیں لاکمیشن کےنمائندےتعینات کیےجائیں گے،نمائندےضلعی بارزمیں ترقیاتی منصوبوں کی نگرانی کریں گے،ضلعی سطح پر انصاف کےمنصوبوں پرمؤثرعملدرآمدکی ہدایت کی گئی۔
اعلامیہ میں کہاگیاکہ کم ترقی یافتہ اضلاع میں بنیادی ڈھانچےکی کمی پراظہارتشویش کیاگیا،غریب سائلین کومفت قانونی نمائندگی فراہم کی جائےگی،وکلاکوریاست کےخرچ پر50ہزارروپےتک معاوضہ دیاجائے گا،قانونی معاونت کادائرہ سپریم کورٹ تک وسعت دینےکافیصلہ کیاگیا۔
اعلامیہ کےمطابق بارزسےاہل وکلاکےنام نامزدکرنےکی ہدایت کی گئی ،وکلاکی تربیت کیلئےفیڈرل جوڈیشل اکیڈمی کےپروگرامزسےفائدہ اٹھانےپر زور دیا گیا،تربیتی کیلنڈربارزکووسیع پیمانےپرتقسیم کرنے کی ہدایت کی گئی،کراچی میں ہونےوالےاگلےاجلاس میں بارزکےمسائل پرمزیدمشاورت ہوگی،چیف جسٹس کاتمام اسٹیک ہولڈرزکوانصاف کی بہتری کیلئےمشترکہ کام کاپیغام جاری کردیاگیا۔