قومی سلامتی سےبڑھ کرکچھ بھی نہیں،شیزافاطمہ

وزیرمملکت شیزافاطمہ نےکہاہےکہ قومی سلامتی سےبڑھ کرکچھ بھی نہیں، ہمارےخلاف جوزبان استعمال ہوتی ہےناقابل برداشت ہے۔
قومی اسمبلی کااجلاس ڈپٹی سپیکرسیدمیرغلام مصطفیٰ شاہ کی صدارت میں منعقدہوا ،اجلاس میں اپوزیشن کی جانب سےخوب شورشرابہ کیاگیا۔
قومی اسمبلی میں پیپلز پارٹی کے رکن اسمبلی قادر پٹیل کا ایوان میں اظہار خیال کرتے ہوئے کہنا تھا ملک میں انٹرنیٹ کی صورتحال انتہائی مخدوش ہے، تصویر تک ڈاؤن لوڈ نہیں ہو سکتی، ہر طرح کے آن لائن کاروبار تباہ ہو چکے ہیں، بچوں کی پڑھائی ضائع ہو رہی ہے۔
رکن اسمبلی شازیہ مری کا قومی اسمبلی اجلاس میں اظہار خیال کرتے ہوئے کہنا تھا حکومتی اقدامات کی صورتحال انتہائی مضحکہ خیز ہے، ملک میں انٹرنیٹ بند ہے اور ڈیجیٹل پاکستان کا بل لے کر آ رہے ہیں، سوال کچھ پوچھتے ہیں اور جواب کچھ دیا جاتا ہے۔
شازیہ مری کا کہنا تھا ہم سوشل میڈیا کے خلاف نہیں لیکن اس کے غلط استعمال کے خلاف ہیں، جو سوشل میڈیا غلط استعمال نہیں کرتے ان کو کس چیز کی سزا دی جا رہی ہے۔
قومی اسمبلی میں اظہارخیال کرتےہوئےوزیرمملکت شیزافاطمہ کاکہناتھاکہ وزارت داخلہ کی ہدایت پرپی ٹی اےنےایکس بندکیا،ہمارےخلاف جوزبان استعمال ہوتی ہےناقابل برداشت ہے،24فیصدموبائل یوزرزانٹرنیٹ میں بہتری آئی ہے۔
اُن کامزیدکہناتھاکہ پاکستان میں2فیصدسےبھی کم لوگ ایکس استعمال کرتےہیں،قومی سلامتی سےبڑھ کرکچھ بھی نہیں،میرےپاس انٹرنیٹ بندکرنےکاکوئی بٹن نہیں۔